काठमाडौँ । उपराष्ट्रपति भइसकेका व्यक्ति फेरी राजनीतिमा सक्रिय हुनुले के संकेत गर्छ ?
त्यस्तै भएको छ नन्दबहादुर पुनको अवस्थामा । पूर्वउपराष्ट्रपति नन्दबहादुर पुन राजनीतिमा सक्रिय हुन थालेका छन् ।
पुस २१ गतेदेखि सुरु हुने केन्द्रीय समिति बैठकको तयारीका लागि केन्द्रीय कार्यालय पेरिसडाँडामा बिहीबारदेखि सुरु भएको स्थायी समिति बैठकमा पूर्वउपराष्ट्रपति पुन पनि सहभागी भएका हुन् ।
तर पार्टीका एक नेताले पूर्वउपराष्ट्रपति आमन्त्रित रूपमा आएको बताएका छन् ।
उनलाई माओवादी केन्द्रले उपाध्यक्ष बनाउने बताइएको छ ।
पुन यसअघि पनि माओवादीका बैठकहरूमा सहभागी हुँदै आएका थिए ।
तर, पार्टी बैठकमा सहभागी भएका तस्वीरहरू सार्वजनिक गरिएको थिएन । आजको बैठकमा पुन सहभागी भएका तस्वीर अध्यक्ष पुष्पकमल दाहाल प्रचण्डको सचिवालयले सार्वजनिक गरेको छ ।
