काठमाडौं । मंगलबार पनि नेप्से परिसूचक उकालो लागेको छ । मंगलबार ९.९१ अंकले बढ्दै नेप्से २१५४.०७ को बिन्दुमा उक्लिएको छ ।
एकल अंकले बढेपनि मंगलबार कारोबार रकम भने उच्च रह्यो । सेयर बजारमा दुई साता यताकै उच्च कारोबार भएको छ । मंगलबार ८६ लाख ७६ हजार ४३८ कित्ता सेयर किनबेच हुँदा कारोबार रकम तीन अर्ब ५४ करोड ८८ लाख २९ हजारको भएको छ ।
मंगलबार निर्जीवन सबैभन्दा बढी बिमा समूहमा उत्साह देखियो भने होटेल समूहमा सबैभन्दा बढी गिरावट आएको छ । वाणिज्य बैंकका लगानीकर्ता फाइदामा हुँदा विकास बैंकका लगानीकर्ताले भने गुमाएका छन् ।
मंगलबार सबैभन्दा बढी स्वाबलम्बन लघुवित्त, शिवम् सिमेन्ट, हिमालयन लाइफलगायतका कम्पनीको कारोबार उच्च रह्यो ।
