काठमाडौँ । कैयौं दर्शकहरुले रुचाएको हाँस्य टिभी सिरियल ‘सक्किगोनि’ टिमले निर्माण गर्न लागेको फिल्म ‘लाज शरणम्’ को प्रदर्शन मिति घोषणा गरिएको छ।
फिल्म आउँदो महाशिवरात्रीको अवसर पारेर फागुन १४ गतेदेखि प्रदर्शनमा आउने भएको छ। शुक्रबार एक पोस्टर सार्वजनिक गर्दै फिल्मको प्रदर्शन मिति घोषणा गरिएको हो।
सिरियल निर्माणमा लागेको १० वर्षपछि ‘जिग्री र पाँडे’ को टिमले फिल्म बनाउन लागेको हो।
सक्किगोनीका मुख्य पात्र पांडेले लेखेका छन् :
लाज शरणम्’ प्रदर्शन मिति २०८१ फागुन १४ गते (महाशिवरात्रि)
चलचित्र ‘लाज शरणम्’ को प्रदर्शन मिति सार्वजनिक गर्न पाउँदा दर्शकहरुसँगको सामीप्य अझ प्रगाढ भएको महसुस भएको छ ।
हामीले सिर्जना गरिरहेको चलचित्र आउँदो ‘महाशिवरात्रि’ (२०८१ फागुन १४ गते) को सुखद् अवसर पारेर प्रदर्शन गर्ने मिति तय गरेका छौँ । यस अवधिमा हाम्रा तयारी र सिर्जनाका सम्बन्धमा जानकारी अद्यावधिक गराउँदै जानेछौँ ।
यहाँहरुको अपार प्रेमबाट हामी हाम्रा कर्मप्रति उत्साहित छौँ । यसलाई उत्कृष्ट सिर्जनाबाट गुन तिर्ने प्रयासमा दत्तचित्त भएर लाग्नेछौँ ।
धन्यवाद!,
यहाँहरुको समय सुखद् रहोस् ।
