स्थानीय बजारमा सुनको मूल्यले नयाँ कीर्तिमानी बनाएको छ । साताको पहिलो कारोबार दिन (आइतबार) तोलामै १४ सय रुपैयाँले बढ्दै सुनको मूल्यले कीर्तिमानी बनाएको हो ।
नेपाल सुनचाँदी व्यवसायी महासंघका अनुसार मूल्य बढेसँगै आइतबार सुनको मूल्य प्रतितोला एक लाख ६७ हजार चार सय रुपैयाँ पुगेको छ । महासंघका अनुसार यो हालसम्मकै उच्च मूल्य हो ।
यसअघि कात्तिक ७ मा सुनको मूल्यले कीर्तिमानी बनाएको थियो । उक्त दिन सुनको मूल्य प्रतितोला एक लाख ६६ हजार सात सय रुपैयाँ पुगेकाे थियाे ।
