कर्णाली प्रदेशमा ‘शान्ताको अचार’ ले आफ्नो बजार विस्तार तीव्र रूपमा बढाएको छ। राजनीतिमा सक्रिय रहीसकेकी शान्ता चौधरी अहिले उद्यमशीलताको सफल मोडेलका रूपमा हेरिन थालेकी छन्। उनले सञ्चालन गर्दै आएको अचार उद्योगले वीरेन्द्रनगरको सनिहल लाइनमा नयाँ शाखा सुरु गरेसँगै व्यवसाय अझ फैलिएको छ।
कार्यक्रममा चौधरीले अचार उद्योगलाई देशभर चिनिने ब्रान्डमा रूपान्तरण गर्ने लक्ष्य रहेको बताइन्। छोटो अवधिमै उपभोक्ताको मन जित्न सफल भएपछि नेपालगञ्जमा शाखा खुलेको र अब बुटवल तथा धनगढीमा पनि विस्तारको तयारी भइरहेको जानकारी दिइन्।
कार्यक्रममा चौधरीले अचार उद्योगलाई देशभर चिनिने ब्रान्डमा रूपान्तरण गर्ने लक्ष्य रहेको बताइन्। छोटो अवधिमै उपभोक्ताको मन जित्न सफल भएपछि नेपालगञ्जमा शाखा खुलेको र अब बुटवल तथा धनगढीमा पनि विस्तारको तयारी भइरहेको जानकारी दिइन्।
उद्योगमा हाल ३५ जना कर्मचारी छन्, जसमा अधिकांश महिला रहेका छन्। उनले यसलाई महिलालाई आर्थिक रूपमा सक्षम बनाउने एउटा प्रभावशाली कदमका रूपमा प्रस्तुत गरिन्। साथै, स्थानीय कृषकसँग मुला, काँक्रो, लसुन, खुर्सानीजस्ता कच्चा पदार्थ प्रत्यक्ष किन्ने हुँदा किसानलाई स्थिर बजार र राम्रो आम्दानी मिलिरहेको छ। यसले ग्रामीण अर्थतन्त्रलाई चलायमान बनाउन मद्दत पुगेको छ।
