चितवनको टाँडीमा भाटभटेनीको २९ औं शाखा खुल्ने भएको छ। तीन अर्ब रूपैयाँ हाराहारीको लागतमा रत्ननगर नगरपालिका ३ स्थित टाँडीमा भाटभटेनीको सुपरमार्केट स्थापना गर्ने लक्ष्यका साथ बुधबार भवनको शिलान्यान्स समेत गरिएको छ।
एक वर्षभित्र स्टोर सञ्चालन गर्ने लक्ष्यसहित भवनको शिलान्यास गरिएको भाटभटेनी सुपरमार्केट्सका प्रबन्धक विनोद भट्टराईले जानकारी दिए। यो शाखा भाटभटेनीकै ठूलो सुपरमार्केट हुने उनले बताए।
‘चार विघा क्षेत्रफलमा फैलिएको भाटभटेनी तीन लाख २२ हजार स्क्वायर फिटको हुन्छ’, भट्टराईले भने ‘यो हाम्रो देशकै सबैभन्दा ठूला सुपरमाकेर्ट हुनेछ।’
पूर्वपश्चिम राजमार्गसँग जोडिएको यस भाटभटेनीले सौराहासहित पूर्वी चितवनको बजारलाई समेटने उनले बताए। यस सुपरमार्केटमा दुई वटा सिनेमा हल हुनेछन्। यस्तै फुड कोर्ड र बालबालिका लागि खेल क्षेत्रसमेत तयार हुनेछ। यस शाखाबाट करिव पाँच सय जनाले रोजगारी पाउने अपेक्षा लिइएको छ। nagariknews
