स्थानीय बजारमा सुनको मूल्यले एकपछि अर्काे रेकर्ड कायम गरेकाे छ । बिहीबारकाे तुलनामा एकै दिन प्रतिताेला २ हजार रुपैयाँले बढ्दै शुक्रबार सुनको नयाँ रेकर्ड कायम गरेकाे हाे ।
नेपाल सुनचाँदी व्यवसायी महासंघका अनुसार शुक्रबार सुनकाे मूल्य प्रतिताेला १ लाख ६४ हजार ४०० रुपैयाँ पुगेकाे छ । यसअघि बिहीबार सुन प्रतिताेला १ लाख ६२ हजार ४०० रुपैयाँमा किनबेच भएकाे थियाे ।
महासंघका अनुसार बिहीबार प्रतिताेला १ हजार ९५० रूपैयाँमा किनबेच भएकाे चाँदीकाे मूल्य शुक्रबार प्रतितोला १ हजार ९८० रुपैयाँ पुगेकाे छ । जुन अघिल्लाे दिनकाे तुलनामा ३० रूपैयाँले बढी हाे ।
