पूर्वमन्त्रीसमेत रहेकी नेकपा एकीकृत समाजवादीकी नेतृ रामकुमारी झाँक्री आफ्नो पूर्व पार्टी नेकपा एमाले प्रवेश गर्ने तयारी गरेकी छन् ।
नयाँ पार्टी बनाएपनि कुनै रिजल्ट दिन नसकेको र ठूला दलहरू कांग्रेस र माओवादी केन्द्रको छाँयामा पर्दै गएको भन्दै सार्वजनिक टिप्पणी गर्ने झाँक्रीले एमालेका अध्यक्ष केपी शर्मा ओलीसँग भेट गरेकी छन् ।
आइतवार भएको उक्त भेटमा ओलीले झाँक्रीलाई पूरानै पार्टीमा फर्कन आग्रह गरेका थिए ।
भेटमा एमालेमै फर्कनेबारे झाँक्री सकारात्मक रहेको बताइएको छ । ‘यसका लागि तपाईं वातावरण बनाउनुस्,’ झाँक्रीको भनाइ उदृत गर्दै स्रोतले भन्यो ।
