काठमाडौँबाट खोटाङतर्फ जाँदै गरेको यात्रुवाहक सुमो सिन्धुलीमा दुर्घटनाग्रस्त भई सुनकोसी नदीमा खसेको छ।
फिक्कल गाउँपालिका–६ स्थित मध्यपहाडी लोकमार्ग/सडकखण्डबाट सुमो नदीमा खस्दा कम्तीमा तीन जनाको घटनास्थलमै मृत्यु भएको छ भने तीन जना बेपत्ता भएका छन्।
चालकसहित १० जना सवार उक्त सुमोमा रहेका अन्य यात्रुहरूको उद्धार तथा बेपत्ताहरूको खोजी कार्य जारी रहेको छ।
दुर्घटनामा ज्यान गुमाएका र बेपत्ता भएका व्यक्तिहरूको पहिचान भने अझै खुल्न सकेको छैन। प्रहरी र स्थानीयवासीको टोली उद्धारमा जुटिरहेको छ।
