नेपाल क्रिकेट संघ (क्यान) ले कात्तिक ८ गते आइतबार पत्रकार सम्मेलनको आयोजना गर्दै नेपाल प्रिमियर लिग (एनपीएल) को पहिलो संस्करणका लागि भारी पुरस्कार राशिको औपचारिक घोषणा गरेको छ। क्यानका कोषाध्यक्ष पदमबहादुर खड्काले सार्वजनिक गरेको विवरणअनुसार घरेलु क्रिकेटको इतिहासमै यो प्रतियोगिता अहिलेसम्मकै सर्वाधिक पुरस्कार राशि भएको प्रतिस्पर्धा बनेको छ।
घोषित योजनाअनुसार प्रतियोगिताको उपाधि चुम्ने विजेता टोलीले आकर्षक ट्रफीसहित १ करोड ५० लाख रुपैयाँ नगद पुरस्कार प्राप्त गर्नेछ। त्यसैगरी, प्रतियोगितामा उपविजेता बन्ने टोलीले ८० लाख रुपैयाँ नगद पुरस्कार पाउनेछ भने तेस्रो स्थान हासिल गर्ने टोलीका लागि ४० लाख रुपैयाँ नगद पुरस्कार छुट्याइएको छ।
यस पुरस्कार संरचनाअनुसार प्रतियोगिताका शीर्ष तीन स्थान हासिल गर्ने टोलीहरूका लागि मात्र कुल २ करोड ७० लाख रुपैयाँ नगद पुरस्कार वितरण गरिनेछ। क्यानले यो उच्च पुरस्कार राशिले फ्रेन्चाइज टिमहरूको लगानी सुरक्षित गर्नुका साथै खेलाडीहरूको मनोबल उच्च बनाउन
कात्तिक ९ गते सोमबारदेखि सुरु हुने यस प्रतियोगितामा कुल आठवटा फ्रेन्चाइज टोलीहरूले उपाधि िथका लागि प्रतिस्पर्धा गर्नेछन्। देशकै प्रतिष्ठित यो क्रिकेट प्रतियोगिताको उद्घाटन सत्र र खेल तालिकाका बारेमा क्यानले सम्पूर्ण तयारी पूरा भइसकेको जानकारी दिएको छ।
